Ata setembro...
Boas vacacións!

Contacontos Letras Galegas

Recibimos no centro a visita de Anxo Moure que nos achegou os seus contos para salvar o planeta.

Pegadas

Esta nova proposta do EDLG consistiu en escribir nunha pegada de cartulina facilitada pola coordinadora do equipo, o título e un breve resumo do contido do libro galego que deixou unha pegada nas nosas vidas.

Aquí deixamos dúas delas.

Letras Galegas 2011

Actividades plástica sobre a vida e obra de Lois Pereiro.

Pasaporte Lector

O EDLG en colaboración co equipo de biblioteca desnvolveu unha actiivdade de fomento da lectura en galego en todo o centro. Cada alumno-a participante cubriu o seu pasaporte lector despois de ler o libro e de responder satisfactoriamente ás cuestións que se lle propoñían nunha ficha de comprensión lectora. Cando os alumnos-as remataban o seu pasaporte recibían un diploma acreditativo e un agasallo para premiar a súa participación.

Ditos e refráns

Esta actividade do EDLG pretende implicar as familias e recopilar ditos e refráns. O obxectivo da mesma é conseguir que a comunidade educativa valore a lingua galega como patrimonio cultural así como recoller ditos e refráns do entorno que se foron trsmitindo de xeito oral de xeneración en xeneración.

PALABRAS GALEGAS CON ENCANTO

Celebrouse tamén un concurso para escoller as palabras que máis nos gustan pola súa sonoridade, significado, etc. Participaron os nenos coas súas familias e ademais da palabra e o seu sinificado na tarxeta representárona con debuxos, fotos, collages e outras técnicas.

Entroido 2011

A celebración do Entroido xirou arredor da maxia, tema do Proxecto documental Integrado que se desenvolve ao longo do curso.

NADAL 2010

Todos os cursos participaron no Festival de Nadal con panxoliñas, bailes, poemas e representacións teatrais.
Como sempre foron os máis pequenos os que acapararon todas as miradas.

SAMAÍN EN AGOLADA

Como cada ano, volvemos celebrar o Samaín no colexio. Este curso coa finalidade de implicar ás familias convocamos un concurso de decoración de cabazas. A verdade é que a resposta das familias foi moi positiva e participaron presentando verdadeiras obras de arte.

Velquí unha mostra dalgunhas das cabazas.